Welkom by die Bosveld Jagters- en Wildbewaringsvereniging
Die Bosveld Jagters- en Wildbewaringsvereniging (hierna BOSVELD JAGTERS) is sedert 1969 die jagter en sportskut se organisasie van keuse.
By ons is jy nie net ‘n nommer nie; BOSVELD JAGTERS het verskeie takke wat vir lede persoonlike diens aanbied in Limpopo en Gauteng.
Met meer as 3500 lede is BOSVELD JAGTERS is een van die land se grootste geakkrediteerde jagtersverenigings in terme van die Wet op Beheer van Vuurwapens (No: 60 van 2000).
Ons akkreditasie nommer by die SAPD is 1300084 en dit stel BOSVELD JAGTERS in staat om toegewyde jagters status toe te ken aan lede wat voldoen aan die vereistes.
BOSVELD JAGTERS se affiliasie by CHASA bied ons lede die geleentheid om toegewyde sportskiet status te bekom, wat endossomente vir sportskietwapens insluit.
BOSVELD JAGTERS bied ‘n wye verskeidenheid kursusse aan in jag- en skietdissiplines om lede se kennis te verbeter en om elke skut se vernuf en vaardigheid te verfyn.
Ons is trots daarop dat ons opleiding en kursusse aanbied vir die jeug. BOSVELD JAGTERS leer kinders en jong jagters veilige hanteering raakende vuurwapens, teorie van jag en bied ook praktiese kursusse in die veld aan.
Elke tak bied aktiwiteite, kompetisies en skietdae aan tot die voordeel van al ons lede.
